ЈЛБ„Илинден“- Делчево продолжува да го чува и негува роднокрајното одделение.Роднокрајните автори создаваат дела кои сведочат за едно минато време.Тие го бележат културниот развој на Делчево,чувајќи го од забот на времето.
Библиотеката започнува со повторна промоција на нивните дела пред учениците од нашиот град. Сакаме учениците од близу да ги запознаат роднокрајните автори, нивните дела, да го запознаат и прочитаат нивното творештво.
Денеска пред учениците од V одделение од ООУ„Св.Климент Охридски“своите дела ги претстави роднокрајниот автор Билјана Начовски.
Билјана Начовски пред учениците зборуваше за нејзините дела: „Сила што ќе напише“, „Акорди на моето срце“ и „ Градот“. Учениците и поставуваа прашање во врска со нејзиното творештво, се читаа извадоци од книгите. Сите ученици покажаа голем интерес за авторката и нејзиното творештво и поставуваа многу интересни прашања.
Учениците исто така од вработените во библиотеката беа запозанени со роднокрајното одделение, начинот на кој се чуваат и почитуваат роднокрајните автори и нивните дела, како и важноста на делата на Начовски за библиотеката.
Билјана Начовски е родена во Делчево на 17.07.1980 година.Основно и средно образование завршува во родниот град.Дипломира на Филолошкиот факултет „Блаже Конески“ во Скопје на групата Француски јазик и книжевност.Работи како наставник по француски јазик.Таа е сопруга и мајка на три деца.
