Дали се сеќавате која книга ви била омилена кога сте биле дете? Дали сеуште се сеќавате на убавите сликовници од вашето детство?
Втори Април е вистинскиот датум да се потсетиме на книгите од нашето детство, да купиме или изнајмиме книга за нашите најмали. На 2 Април се одбележува светскиот ден на литературата за деца.
Да се твори за децата е голема одговорност. Слават и авторите и илустраторите на книгите за деца. Славиме и сите ние кои сакаме љубовта кон убавиот пишан збор да ја пренесеме на децата.
ЈЛБ„Илинден“-Делчево, по повот светскиот ден на литературата за деца на училишната библиотекат при ООУ„Св.Климент Охридски“ подари сликовници,кои ќе бидат достапни за дечињата. „Грдото пајче“, „Чоколадната куќичка„, „Малечката сирена“, Пепелашка“, „Златка и трите мечки“ и уште неколку други сликовнички, децата ќе можат да ги разгледааи и прочитаат.
Убаво е кога се дружиме со децата и кога уживаме во нивните убави и искрени насмевки.
Денот на литературата за деца за првпат бил прославен во 1967, а оттогаш секоја година во светот се одбележува на 2 април за да се промовира љубовта кон читањето кај децата и да се нагласи важноста на книгите.
Датумот го означува роденденот на Ханс Кристијан Андерсен, прочуениот дански автор, познат по делата како „Грдото пајче“, „Малата сирена“, „Девојчето со кибритчиња“ и многу други.
Џаклин Кенеди Онасис рекла:
„Има толку многу начини да го проширите светот на своите деца. Љубовта кон книгите е најдобриот начин.“
