ЈЛБ„Илинден“-Делчево, запишува уште една успешно рализирана работилница, полна забава, радост, натпревар, смеа и среќа.
„Да се забавуваме и натпреваруваме“ беше работилница на која децата уживаа во неколку забавни, креативни и интересни игрички, каде имаа можност да се дружат, да се натпреваруваат и да ја покажат нивната умешност, креативност, брзина и натпреварувачки дух!
Двата тима,„Тимот на жолтите“ и „Тимот на зелените“, се натпреваруваа во 6 интересни игрички користејќи вода, книги, топки, боички и др.
Развивањето на натпреварувачкиот дух кај децата е корисно затоа што:
-ги учи да поставуваат цели и се трудат да ги постигнат
-развива упорност и дисциплина
-ја поттикнува креативноста и желбата за подобрување.
Исто така е важно да знаат дека не секогаш ќе бидат победници.Кога децата разбираат дека поразот е нормален дел од животот:
-учат да се справуваат со разочарување
-градат емпатија и почит кон другите
-развиваат самодоверба која не зависи само од резултатот
-сфаќаат дека вредноста е во учеството, трудот и искуството, а не секогаш во победата.
Најздрав пристап е да научат дека победата е убаво достигнување, но дека поразот носи можности за учење и растење.Така натпреварувањето не станува извор на страв или притисок, туку мотивација за напредок.
