Работилницата„Здрави заби-весели насмевки на среќни деца“, во организација на ЈЛБ„Илинден“-Делчево, беше вистинска авантура.
На работилницата учествуваа 28 дечиња на возраст од 2 до 8 години, кои на забавен и едукативен начин имаа можност да се запознаат со значењето на правилната орална хигиена.
Нашиот стоматолог Симон Наџенски, стоматолог по општа Стоматологија, им покажа на најмалите како правилно да ги мијат забите и зошто здравата насмевка е најубавото богатство.
Преку разговор, примери и практични совети, доктор Наџенски им објасни на децата зошто е важна редовната грижа и каква улога има здравата исхрана за забите.
Децата прашуваа, учеа и се смееја, а на крај сите си заминаат со подароци од стоматолошката ординација „Д-р Наџенски“,и со голема насмевка, затоа што секое среќно детство, започнува со здрави заби!
