По повод детската недела, децата од нашата детска градинка „Весели цветови“-Делчево, на возраст 4 и 5 години, утрово ја посетија ЈЛБ„Илинден“-Делчево.
Радосни и љубопитни, тие прошетаа низ светот на книгите, слушнаа како работи една библиотека, како се издаваат книги, и учеа за магијата што ја носи читањето.
Вработените ги пречекаа со насмевка, им раскажаа како се чуваат книгите и им овозможија да прелистуваат сликовници полни со бои и фантазија.
Посетата заврши со песна, а децата си заминаа со ветување дека ќе се вратат повторно, бидејќи библиотеката е место каде секој ден е приказна.
Благодарност до директорката Билјана Симовска и до воспитувачката Марија Стоименовска и негователките Весна Цветкова и Данче Ѓеоргиева, што беа дел од оваа убава детска авантура.
Секое дете е мала искра што го осветлува светот со својата насмевка, чисто срце и бескрајна љубопитност.
Во секое дете живее надежта, радоста и иднината, затоа да ги слушаме, поддржуваме и сакаме бескрајно!
