Голема благодарност за пријателите на книгата кои повторно ја збогатуваат нашата библиотека.
Со радост ве информираме дека ЈЛБ„Илинден“ – Делчево доби уште една вредна донација на детска литература на англиски јазик од Кире и Виолета Атанасовски од Австралија. Ова е нивна четврта донација, што уште еднаш ја потврдува нивната љубов кон книгата и грижата за најмладите читатели.
Новите наслови ќе бидат наменети за нашите најмлади членови кои сакаат да читаа на англиски јазик, а преку нив ќе имаат можност да откријат нови светови, да ја развиваат својата имагинација и љубовта кон читањето.
Искрено им благодариме на фамилија Атанасовски за континуираната поддршка и доверба.Ваквите хумани гестови се вистински пример како заедно можеме да создадеме подобри услови за раст и развој на идните генерации.
Вратите на библиотеката секогаш се отворени за знаење, љубов и добрина.
